Өлеңдер ✍️

Фəни тірлікпен хоштасар сəтте де əлсіреп,
сандырақ ойлар біріне бірі қайшы кеп,
жүретін жолын айқындай алмай адасар
ақылды көп пе, ақымақ көп пе, қайсы көп?..
Тарам да тарам... көп еді неткен ой қандай,
болдық-ау осы ойлардан мезі, тойғандай,
жамандықты да, жақсылықты да жасаймыз
біріне бірін жау қылып əдей қойғандай.
Алатын жанын алатын тəңірім алсын-ақ,
дейсің-ау кейде шатасып ойдан сансырап.
Мең-зең боп басың, көзіңнен жасың тамшылап
жатқаныңда да үзілмейді үміт-шамшырақ.