Өлеңдер ✍️
Өлеңдер ✍️
28.08.2022
127
Ауылға келсең...
Ауылға келсең,
Қаланы сағынасың –
Қызығы-думаны көп.
Қалаға келсең,
Ауылды сағынасың –
Ағайын-туғаның көп.
Ауылға келсең,
Қайтадан бала боласың –
Ата-анаңды көргендер көп.
Қалаға келсең,
Қайтадан аға боласың –
Соңыңнан ергендер көп.
Қала мен ауыл –
Менің қос қанатым сияқты,
Бірінсіз бірі –
Ұша алмай талатын сияқты.
Қос қанатым бар кезде –
Арманым алғыр
Алыстарға да,
Ғарыштарға да баратын сияқты!
Әлеуметтік желілерде бөлісіңіз:
Facebook | VK | WhatsApp | Telegram | Twitter