Өлеңдер ✍️

(С. Қапшықбаевқа)
Құрметті, құдыретті Серағамыз:
Қайдасыз, қайтсек, сізге ере аламыз?!
Шақырсақ жоқ, іздесек, табылмайсыз,
Енді қайда «жарнама» бере аламыз?!
Бұл өзі-қалай еді дұрысында,
Дананың не бар деуші ем уысында?!
Дүниені дөңгелеткен қайран, ағам,
Отырып «Балдырғанның» бұрышында!
Көп тартқан тауқыметті армандасым,
Сергісін ел мұңынан талған басың!
Біреуді-біреу білмей, екі ортада,
Тозған қаздай топтанған қарға алмасын!
Құт қонды, ізіңізге нұсқа қонды,
Әлпештеп, бас зерігер ұстап енді?!
Толқытып, төгіп-шашып айтар едім,
Әттең-ай, уақытым қысқа болды!..