Өлеңдер ✍️
Өлеңдер ✍️
26.08.2022
137
Сейітқан туралы түйін
Халқың мен салтыңды айтып, зар илейсің,
Жалшының өрістегі әніндейсің.
Алтайға алтын басың симай кетсе,
Симаған Сарыарқаға Мәдидейсің.
Сабазсың, сабырлысың, туламайсың,
Өмірі өстіп, кесек турағайсың!
Амалсыз аласталған келесінен,
Қастерлі, қайсар, қара бурадайсың.
Сараңның саудасына ілінбейсің,
Бағылан баяғының биіндейсің.
Көшірген көкейіне ел мен жерін,
Алтайдың тарихы мен тіліндейсің.
1997 жыл
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇