Өлеңдер ✍️

(Нұрлан Оразалинге)
Тегің де таза, демің де таза о, бастан,
Куә-дүр оған қара жер мына көк аспан!
Жыр жиһаз мынау, драма анау қат-қабат,
Өз қатарыңнан ешкім де сенен жоқ асқан.
Тобырлар күндеп, құрыштай жүйкең жұқарса,
Жанар тау жырлар атылмақ ақын тұтанса!..
Бағдарыңды да, бақытыңды да барлаппын,
Айдалада Абылайды көрген Бұхарша!..
Қанатты ойлар халық қамымен үндесіп,
Шабыт құсыңа ашыпты құдай күнде есік! Аяп
та кетем Одақта жүрген кезіңді,
Жындыхананың директорындай күн кешіп!..
Сүтпенен біткен тұлғаңда мінез мәрмәрі,
Бозбола шақтан қыз-қырқындардың арманы!
Тарта бер өстіп, тардымды ойдың сардары,
Бойыңа құт боп қуаныштарыңның бәр-бәрі!