Өлеңдер ✍️

Қасымханның тұсы емес, қалың мал сұрар,
Ердің ерін қыз біткен сабырдан сынар?
«Теңін тапса, тегін бер» деген қазақ,
Құшақтасып, қосылсын сағынған сыңар!
Тәрізденіп із кескен кәдімгі аңшыллар,
Бірін-бірі сан іздеп, сабылған шығар.
Бұлықсытқан бураны қос өркештей,
Бір-біріне екеуі табылған сыңар.
Жігіт бәлкім жарлыдай жалынған шығар,
Қыз да сосын ырқына бағынған шығар.
Тым тереңнен ұйлесіп, ұнатудан
Бір-біріне тәңірдей табынған шығар?!
Дұшпан тұгіл, досың да жарыңнан сынар,
Ыдыс-аяқ сыңғырын жадыңнан шығар.
Бір-біріңді тапқаның, танығаның,
Жанатұғын ендігі бағыңнан шығар?!