Өлеңдер ✍️

Асылдың ғана тиеді асылға себі,
Егде тартса, әулие жасында сері.
Өтімді жерде отырса, өнердің пірі,
Дарындыны дарынсыз басынбас еді.
Биліктілер ұғынып адам мәнісін,
Реттеп жатса, заңымыз арамдар ісін…
Жерімдей жылжып, қоғам да қозғалар еді-ау,
Жасаттырмай айнала адалға қысым!
Жүдетпес еді жоқшылық алқымнан алып,
Шуламас енді жөн таппай, халқым да налып.
Жігіт болсаң, берген жөн уәдені,
Баяғының биіндей алтынға малып!

2000 жыл