file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  25.08.2022
  113


Автор: Қажытай Ілиясұлы

Құлаққағыс

Аңсаттырып келіп ем қырдың дәмі,
Төрт түлік жоқ, даланың тұлдыр бәрі.
Тепсе, темір үзетін жігіттердің.
Жанын әрең бағып жүр тырбыңғаны.
Жақсы ырым емес шығар талма түсте,
Қасқыр жесе, итіңді шынжырдағы?..
Сәні қайда, ауылдың малы қайда?
Қазақ болсаң, қазақтың қамын ойла!
Бұрынғы айтушы еді, расында,
Жетіскен қыз төркінін танымай ма?..
Биліктілер пейілін өлшеу керек,
Төрт мәрте тұтқындалған Абылайға.
Мұсылман аяуыш еді мұсылманды,
Қылмысты топ ұсталып, құшыр қанды.
Әйткенмен, пагоны бар бауырлардың,
Ұмытып кеткені жөн кісі ұрғанды.
Қап сүйреп, қарақоңыр келіншектер,
Онсыз да жеті жылдай қысыр қалды.
Байлықты қолы жеткен бөліп алып,
Шалқып жүр білмейтіндей оны халық.
Кезінде бәрін елден жимадық па,
Астынан ат, үстінен тонын алып?!
Енді ақынын ертерек тауып алсын,
Өлмейтінге жолықса өлі балық!..


 


2000 жыл




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу