Өлеңдер ✍️

Кещенің шарасы не ескен желге?!
Шыбығым шынар болды өскен жерде.
Шапан жапсам ба деймін жинап алып,
Өмір-бойы жолымды кескендерге!
Жем шашсам, өнердің ақ кептеріне,
Қызғанды тұрмайтындар шерткеніме.
Адамнан ұяла ма, хақтан қорқып,
Бітпесе қылдай қытық беттеріне?!
Құрулы тұзағына бармасам да,
Жаласын жабушы еді анда-санда.
Оятып, шырт ұйқыдан толғандырып,
Нүктемді ширығатын дәл басар ма?!
Ненің төмен екенін, ненің биік,
Сезген соң, қалам алдым, демім күйіп…
Мен мінгенде қиялдың қанатына,
Қалды бәрі тауықтың кебін киіп.

2000 жыл