Өлеңдер ✍️
  25.08.2022
  102

Автор: Қажытай Ілиясұлы

Шіркін, арман!

Қозғанда саусағымның сиқыр – жыны,
Домбыра, балалайка құйқылжыды.
Бақсыдай балпаңдаған ел ішінде,
Есімнен шығатұғын үй тірлігі.
Ұстасам, ширығып кеп гитараны,
Тереңге сүңгітеді күй талабы.
Өнер деген қонбаса, қонбайды екен,
Жінігіп, талай жанпоз қиқалады.
Шаяндай қабырғамды қыршып алған,
Ұйқымнан оятады-ау, шіркін арман!
Өнерліні халықтан күлегейлеп,
Бек құпия ұстауды кім шығарған?..



1976 жыл


  Қажытай Ілиясұлы өлеңдері Қажытай Ілиясұлы арман шіркін

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Келемін ᐈ
  Хатқа жауап ᐈ
  Жұбайымды жұбату ᐈ
  Атақ ᐈ
  Өнер бәсекесінде ᐈ

Пікір жазу