Өлеңдер ✍️

(әні бар)
Тұлпардай тұра алмайтын қиқу көрсе,
Теңіне телміргендер икімделсе.
Шебердей шеңбер сызу – рахат қой,
Әуенді тыңдай тұра, іркілгенше!
Толқытып, талықсытып, іліп-тартып,
Он көлбеп, отыз өрлеп, қырық қарпып.
Өлеңдей ұйқастырып, қияпатын,
Ойқастап, өршеленген білікті артық!
Жүзіндей қылпылдаған ұстараның,
Саралау топтан-топты кұш, қарағам!
Тотыны тамылжытса аққу демеп,
Буынға түсіргендей құстар әнін.
Сұлулық жетегіне биші көнер, Оны
тек ақын аңдап, күйші көрер!..
Қимылдан хикметті оқытатын,
Өзіңе не теңесер шіркін, өнер?!

2000 жыл