Өлеңдер ✍️
Өлеңдер ✍️
23.08.2022
138
Іңкәрлік
Тастаса да жүрегіме жүз қармақ,
Өлең жазып көрмеп едім қызға арнап,
Бүршік жарды түкпірінен жанымның,
Өзіңдей бір үлбіреген қызғалдақ.
Құмарлықтың құдіретті қыспағы,
Айтарымды ауыздықтап, ұстады.
Дидарыңа тіке қарай алмаймын,
Құпия ой көкіректе пысқалы.
Еркің білсін өжет десең, ез десең,
Көркіңе көз суғаруға кездесем.
Тіл байланып, тіс жаратын емеспін,
Іңкәрлікті осы өлеңнен сезбесең.
1961 жыл
Әлеуметтік желілерде бөлісіңіз:
Facebook | VK | WhatsApp | Telegram | Twitter