Өлеңдер ✍️

Мен сені жек көремін!

Өкпеледім,

Мен сені жек көремін.

Қашырмағын мазамды текке менің!

Із боп қалдың, алдымда даңғыл едің,

Күз боп қалдың, бір сәтте көктемедің...

Мен сені жек көремін!

Сағынамын,

Қайтейін сыйласаң да жаныма мұң.

Бұл беймәлім тағдырға бас имеймін,

Заңына бағынамын,

Сағынамын...

Сағынбаймын,

Өзің болдың тербетер әнім, қайғым...

Басылады қай күні ақ жаңбырым,

Ашылады екен-ау бағым қай күн?

Сағынбаймын...

Көктемдеймін,

Асу бермес сен үшін өткелдеймін.

Құрысын кектенбеймін!

Сағынбаймын,

Сағынамын,

Әй, бірақ жек көрмеймін...