Өлеңдер ✍️

Бірінші байлық денсаулық деп қақсаған,
Жасымда маған батасын берген Жақсы Адам,
Өмірден соны ұстанып келем әлі де
Жерім жоқ одан кем соғып әзір ақсаған.
Денсаулық болды құрмет тұтқан байлығым,
Жетер – жетпес еңбекпен тапқан айлығым.
Жеткіншегім желісін тартса еңбекке
Сүйеді Алла өзіне ұнар сай құлын...
Желіде құлын, аз болар қозы көгенде,
Шайлық сүт ұстап, көкөніс аздап егемде,
Арғы атаң бай атағы шыққан халқына
Мәз болып қалам Қожаназар дегенге!
Бай болу бізге болмасын әсте кезекпен,
Есепте тек реті келіп сөз еткен.
Сұрасаң тегім қайырымды аталар
Бас ием соған құрмет тұтып ізетпен!