Өлеңдер ✍️

Балам,сені жұмсасам сенім артып,
Адам болсын дегенім еліне артық.
“Еңбек етсең,ерінің қимылдайды”,
Деп аталар кетіпті емін айтып.
Бәрін,бәрін тапсырам саған енді;
Мына жерді,ақ айдын-ана көлді,,,
Қатарыңнан,теңіңнен асып тусаң,
Қаймықпастан тапсырам тамам елді!
Қолдаушың мен көбейсін қосшыларың,
Өз арыңдай көре біл достың арын.
Айтты-айтпады демегін,әлі талай
Тіршіліктің татарсын ащы дәмін…
Болмашыға тарылып,бүлінбегін,
Болмашыға бүкшиіп,бүгілмегін.
Бармағыңа бақ қонсын десең,балам,
Қармағына өсектің ілінбегін.
Жанның бәрі демейді жаман болам,
Жай-күйіңе жайым бар алаңдаған,,,
Сағат тілі төрдегі тоқтамасын,
Бәрін,бәрін тапсырам саған,балам!..