Өлеңдер ✍️
  24.07.2022
  105

Автор: Төлеген Жанғалиев

Көктем іздеп келемін

Көлеңкесі көңілдің ұзарады,
Айықпайды күдіктің тұманы әлі.
Күн шуағы түспеген мына жұрттың,
Шүберектей бозарып тұр ажары.
Қызылшырай – қызыл күн беттердегі,
Көрінбей-ақ қойды ғой көптен бері.
Жүректерді барады қалтыратып,
Жүзі суық өмірдің өктем желі.
Көрінбейтін сияқты көк те гүлдеп,
Жауһазын да жатқандай кеш тебіндеп.
Омбы қарын ойлардың бұзып – жарып,
Көңілдерден келемін көктем іздеп.


  Көктем іздеу Төлеген Жанғалиев өлеңдері Төлеген Жанғалиев

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Тіл ᐈ
  Сауалы мен жауабы ᐈ
  Хат ᐈ
  Ой ᐈ
  Үрей ᐈ

Пікір жазу