Өлеңдер ✍️

Бейнесіне құмартып, желікпе сен,
Көрік деген мәңгілік серік пе екен!
Жүрегіңді келбетке асық етпе,
Ауру ма, қарттық па, қасірет пе,
Ұрлайды анық.
Ал, сонда қашасың ба?
Қайғы тұрар бақыттың тасасында!
Көңіл шіркін не демес ерік берсең!
Жанын сүйсең, ешқашан зерікпес ең.
Өмір деген –өткінші, ағымды арман,
Ағыстарға тұлпарлар бағынбаған,
Ғашықтарға сұқтанбас кім тасадан?
Сүйген жүрек сәт сайын мың жасаған!
Көз алдында күндіз-түн сағымдалған,
Бір-бірінен басқаны сағынбаған.
Уақытты тәулікпен өлшемейді,
Құшақтары жазылмай өлсе –мейлі!