Өлеңдер ✍️
Өлеңдер ✍️
16.07.2022
115
Жазмыштың жолын сызуға
Жазмыштың жолын сызуға
Алланың мықты пәрмені,
Пәрменін оның бұзуға
Пенденің жетпес дәрмені.
Әлемді байтақ билеген
Құдайдың күшті жарлығы.
Болса да тағдыр илеген,
Көнеді оған барлығы.
Аяғы болар ісінің,
Алланың берік әмірі.
Өлмеймін деген кісінің
Қазулы тұрар қабірі.
Көгеріп, көктеп көсеге,
Болса да қандай сыйлығы.
Маңдайға жазған пешене –
Бұлжымас Хақтың бұйрығы.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇