Өлеңдер ✍️
  16.07.2022
  91

Автор: Ақылбек Шаяхмет

Тізе қосып, иықтасып...

Тізе қосып, иықтасып,
Бірге жесе сүйікті асын,
Жолдасы үшін жауға шапса,
Малын тастап, қиып басын.
Тура сөйлеп, тіке жүрсе,
Қонақтарын күте білсе,
Хақ жолынан тайғандарды
Жүндей қылып түте білсе.
Жағалыға жағынбаса,
Жағымпазға бағынбаса,
Үйінде де тұра алмаса
Саналыны сағынбаса.
Көрсетпесе қысым жанға,
Қолын созса қысылғанға,
Ар ұялар іс қылмаса,
Ырза болғын мұсылманға.


  тізе қосу иықтасу Ақылбек ШАЯХМЕТ өлеңдері Ақылбек Шаяхмет

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  Болсаң-дағы қалаулы... ᐈ
  Қанша жисаң байлықты... ᐈ
  Тұрған болса іргеде үйің... ᐈ
  Еңбектеген сәби менен ᐈ
  Ар-Рахман – қайырымды... ᐈ

Пікір жазу