Өлеңдер ✍️
  14.07.2022
  94

Автор: Ақылбек Шаяхмет

Түссе де жарық төбеден,

Түссе де жарық төбеден,
Жазғанды біреу теріс оқыр,
Шындықтың көзі көреген,
Жалғанның көзі көрсоқыр.
Болғанмен берік қорғаның,
Жетпейтін кейде шыдамы,
Құлағы төртеу жалғанның,
Шындықтың керең құлағы.
Шын сырын ашса сұмдықтың,
Қылмысты тапса кім сенбес.
Иісшіл мұрны шындықтың,
Жалғанның мұрны дым сезбес.
Алысқа сермеп құлашты,
Жатамыз досқа бақ тілеп.
Шындықтың тілі тым ащы,
Жалғанның тілі тәттірек.


  жарық төбе Ақылбек ШАЯХМЕТ өлеңдері Ақылбек Шаяхмет

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Тік тұрғаныңды... ᐈ
  «Азғындар ереді ақынға!» – ᐈ
  Кімнің көзі тоймайды... ᐈ
  Аллаға жақпайтыны – ᐈ
  Қияметтің күнінде ᐈ

Пікір жазу