Өлеңдер ✍️

Жерімізден бір жұлдыз
Тартты шырқап Ай жаққа;
Қақтық қанат біз тұңғыш
Шетсіз, шырқау аймаққа.
Жер, əлемге жар салған
Жаңа заман басы бұл.
Жан өрісін нұр шалған
Басталды бір жақсы жыл.
Жұлдызымыз ұшырған –
Секілді сол жыл құсы;
Заманаға ұсынған
Жаңа ойлардың тұңғышы.
Туымызды көтерді ол
Шалқыта Күн қасына.
Аңыз болып жетер ол
Алдағы көп ғасырға...
Көк жүзінде бозарған
Көзге қанық алыс Ай,
Қалды бері ол жазған
Қашанғы үйір таныстай.
Көп жұлдыздың біріндей
Кетті шырқап біздің құс.
Көк төрінде күлімдей
Маздар мəңгі ол Жұлдыз!