file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  12.07.2022
  137


Автор: Ғали Орманов

КОСМОС ТҰҢҒЫШЫ

Аспанда тосын ай көрдім,
Анталап жұлдыз қараған.
Көрінбей бұрын қайда едің? –
Десе ме, бəлкім, бəрі оған.
Таңырқай ма екен олар да,
Телміре тігіп көздерін?
Түсіне ме екен адамға,
Түгендеп жүрген өздерін?
Сұраулар қозғап осындай,
Тартар ма көзін жер беті?
Аралап өткен тосын ай
Десер ме жердің перзенті?
Жыпырлап жатқан көк жүзін
Сырларын оның кім білген?
Арасын кезген жұлдыздың
Білмесек оны Юрийден?..
Ұйлықса жұлдыз біле алмай,
Зымырап ұшқан бұл кім? – деп.
Алдынан шығып күн мен ай
Қараған шығар күлімдеп.
Тыңдаған шығар олар да
Дыбысын адам үні деп...
Айтпасқа соны болар ма,
Космостың тұңғыш ұлы деп!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу