Өлеңдер ✍️
Өлеңдер ✍️
12.07.2022
151
Қаңқу сөзден қашам мен
Қаңқу сөзден қашам мен
Қабырғама батқандай.
Көндім оған қашан мен,
Дұшпаным жоқ тап сондай!
Жуымаймын маңына
Бір пəлесі жатқандай.
Жолап кетсем, тағы да
Өңменімнен атқандай.
Еске алмаймын елесін
Ел аулаққа қашқандай.
Жүргеніңе не жетсін
Ештеңеден жасқанбай!
Жаман қылық, жат мінез
Жолыңды ылғи тосқандай.
Жарқын көңіл, жақсы сөз
Жаныңа нұр қосқандай!
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇