Өлеңдер ✍️
Өлеңдер ✍️
12.07.2022
145
Шамасыз адам емеспін
Шамасыз адам емеспін
Біреуге шағым еткендей.
Қағытқан жанжал-егестің
Кетемін бірін кек көрмей.
Өкпеге ондай ой бөлсем
Өлеңге орын қалар ма?
Өсекке малтып онда өңшең,
Ұрынбас па едім арнаға.
Жуымай ашу-айғайға,
Өзімді аулақ ұстайын.
Тояттар іздеп, қай-қайда
Қажымай самғап ұшайын.
Жалықпай ылғи жол тартып,
Шуағын жырдың құшайын.
Жанымды солар жасартып,
Жарылқар, бəлкім, жыл сайын!
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇