Өлеңдер ✍️
Өлеңдер ✍️
12.07.2022
146
ЖЕР ИІСІ
Аралап қайда барсаң да
Жұтасың дəйім жер иісін,
Əдетің соны қашан да
Ауаға, гүлге жорисың.
Қарайсың əсем гүлдерге
Қызылды-жасыл құбылған.
Маңына жуық жүргенде
Қызықпас дейсің кім бұған!
Сүйсіне соны құшақтап,
Құмарта көкке аунайсың.
Тұрса да бəрін жер сақтап,
Ойыңнан əсте аумайсың.
Қара жер, сірə, тек жатқан
Сездірмес, бəлкім, саған түк…
Үндемей иісін таратқан
Бəрінен, шіркін, сол артық!
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇