Өлеңдер ✍️

Жерімнің жиһаз жүгіндей
Жараса біткен тауларым.
Сазы бай, сұлу үніңдей
Сезілер орман, бауларың.
Шағылған күнге найзадай,
Шыңдарға көңлімді аудардың.
Көзінде ойнап нажағай,
Көрікті қандай жауған күн!
Жанымның жазын көргендей,
Төсіңде талай аунармын.
Кеудемнен өрген өлеңдей
Көгіңмен бірге қаулармын.
Қыдырлы дала, тау мен тас,
Өлкеңде өстік мекендеп.
Қиялдап адам тауыса алмас
Қызығың сенің неткен көп!
Жүрекпен сүйсе жерін кім,
Төгіліп тұрған бəрі өлең.
Тере алсаң соны, еліңнің
Есінде сен де қалар ең!..