file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  11.07.2022
  152


Автор: Ғали Орманов

АҚЫН СЫЙЫ

Басылмай əсте алқының
Аласың тыныс, Көк түбек.
Жарыса ойнап толқының,
Жағаңды жатыр тепкілеп.
Кеудемді тосып лебіңе,
Кенеле жұттым ауаңды.
Қарпыды тынбай мені де
Қайратты қолың дауалы.
Қабаққа қажу жоламай,
Құйылды қуат денеме.
Қоңырқай тарттым құладай,
Байыдым қоса өлеңге.
Толқының – жібек сипаған,
Қайраңың – мамық төсеген.
Тартуым болсын сыйлаған
Жағаңда жазған осы өлең.
Ежелгі екі босағаң
Қаратау, кəрі Құм-қия,
Айта алмас, сірə, ол саған:
Кетті деп ақын зым-зия.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу