Өлеңдер ✍️

Сарыалақаздың мамығы– сары ғұмыр,
Шашылған жұлдыздары
Жарық іңір.
Зер жағалы меңіреу дария масаң,
Ағып жатқан жалғандай:
Кәнігі бір.
Көктем берген келбетін жіберіп ап,
Күйікжелік күй шеккен
Күдері бақ.
Мынау жатқан жас бұтақ, жас қиылған:
Кешегі өскен теректің бүрі еді.
Қап!
Қасиеттер қалт қайтып, жұлынды ұғым,
Кісінейді уақыт – құлынды күн.
Көл жүзіне тамшы жас
Тамды тағы,
«Көк тәңірінің сақалы жұлым-жұлым».