Өлеңдер ✍️
  15.06.2022
  121

Автор: Сұраған Рахметұлы

Қыста айтқан қылжақтарым...

Қыста айтқан қылжақтарым,
Жазда жеткен
Қалжыңым.
Қалай-қалай бұл жақтағы үн
«Ісегінде» алжыды?
Қардың соңғы үйіндісі
Жер жүзінен сең іздеп.
Тамшылардың
Қиындысы
Жатқанда өзін «теңіз» деп.
Күз бен Гүлдің арасында
Қыстырылған назды үндер.
Осылайша жарасымды,
Орғып өткен аз күндер.
Бұл сәттерді аңыз дер ем,
Сыбырға бай,
Сырға бай.
Мен байқаған сал іздердің
Соған жұқпай тұрғаны-ай.


  қылжақтар қыс Сұраған Рахметұлы Сұраған Рахметұлы өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Құрамай қапқан аязды, ақ таң Тұстардай, ᐈ
  Сарыалақаздың мамығы – сары ғұмыр ᐈ
  Көңілді үскірік жеп, түтін тырнап... ᐈ
  Бір байғыз шақырады... ᐈ
  ...Не айтады, япыр-ай, тастанды лақ.... ᐈ

Пікір жазу