Өлеңдер ✍️

Сарыарқаның астанасы атанған,
Бұқар жырау, Тәттімбеттен бата алған,
Қаз дауысты Қазыбектің елісің,
Қара шаңырақ озып шыққан қатардан.
Қайырмасы:
Жезқазған мен Балқашың,
Теміртаулы алқасың.
Тәуелсіздік өрінде
Нардың жүгін артасың.
Қарағанды, шарықта,
Бүкіл әлем байқасын.
Қайнарысың ерен-ғайып табыстың,
Айғағысың, алыптармен жарыстың.
Кен барлаудың сенде тапқан тетігін
Аймағысың ел данасы Қаныштың.
Қайырмасы.
Өнерпаздар өнегелі – өрісің,
Ән мен күйдің бесігіндей серісің.
Ақындықтың ақсұңқары дауылпаз,
Қарағанды, сен Сәкеннің елісің.
Қайырмасы.
Өмір жолын сенде тұңғыш бастаған,
Құшағыңда туды талай жақсы адам.
Қарағанды, құтты төрсің әйгілі
Нұрсұлтандай Елбасшысын баптаған.
Қайырмасы.