Өлеңдер ✍️

«Айқаппен» туса қауышу,
Қалың ел, қарсы алалық.
Ол – өткенмен табысу,
Тұнып тұрған даналық.
Кезекті емес, бұл – бізге
Өзекті ұлттық жаңалық.
Киелі түссек құтты ізге,
Жан сала қарсы алалық.
Тоқсан жеті жылдан соң
Тиді «Айқап» бүгін қолыма.
Ағалардың өңкей шоң
Көз салдым өжет жолына.
Ахмет пен Міржақып,
Сұлтанмахмұт қолдапты.
Алғанда бәрі бір бағыт,
Шәкәрім көмек жолдапты.
Ол жылдар шымқай қағынған,
Әлпеті айқын ашылар.
Ағаларды қатты сағынған,
Іштегі дертім басылар.
Тәуелсіздік өрінде
Жарқ еткен бүгін «Айқабым».
Әр үйдің тұрса төрінде,
Мың-мың алғыс айтамын.
«Айқаптың» көп қой сыры асыл,
Біле де білсек ақтарып.
Ұлтымның асыл мұрасын
Мүлтіксіз мәңгі сақталық.