file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  14.06.2022
  158


Автор: Кәкімбек Салықов

БАРАДЫ ӨМІР ӨТІП

Қартайдым, жұмысым көп, асығыспын,
Бітпей тұр ұзақ көші татымды істің.
Қыз-шабыт қызықтырып, жетелейді
Соңынан өлең деген асыл құстың.
Бұлтартпас алдымдағы ісім қалың,
Сыртым сау, маза бермес ішім жалын.
Жүрегім мұңға толған бала жастан,
Білсем де артымда өшпес ізім барын.
Айқасқа бодан күнде кіргенімде,
Шайқаста Арал үшін жүргенімде,
Сезуші ем кей «пысықтың» қара ниет
Мінезін түлкі жортақ күлгенінде.
Өтірік қол бергендер алақайлап,
Жүріпті іште тосын дара сайлап.
Әкетті тәуелсіздік алған елдер
Әму мен Сырдың суын талапайлап.
Алғанда ескі дертті тереңдетіп,
Ауылым да қойды қатты елеңдетіп.
Барады Арал құрып, ауылым тозып,
Міз бақпай мен жүргенде өлеңдетіп.
Барады, ей, адамдар, өмір өтіп.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу