Өлеңдер ✍️
Өлеңдер ✍️
14.06.2022
204
Күмбірлейді домбыра....
Күмбірлейді домбыра,
Қозғап Бетпақдаланы.
Басқа дыбыс жоқ, сірә,
Еліктірер сананы.
Екі ішек, сыр білгейсің,
Мұңын шағар ақ сағым.
Кімді көксеп жүр дейсің,
Жез қанатты аңсадым.
Жолға қара, сөз күйік,
Есем – ақын қиялы.
Сыңғыр қақты жезкиік
Қырда алтын тұяғы.
Әне, сонда қосылды
Күй мен тұяқ хабары.
Дүрсілін жүрек өсірді,
Жарқ етті киік жанары.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇