Өлеңдер ✍️
Өлеңдер ✍️
14.06.2022
176
ЖҮРЕКТЕ ДАҚ ҚАЛМАСЫН
Жасымнан жақын дос еді,
Жоқ жерде қатты қағыстық.
Айырмастай қос елі,
Қайтадан бүгін табыстық.
Арылар көңіл зілінен,
Сөз болды өткен ағаттық.
Ескі достық тілімен
Жүректі жүктен тазарттық.
Қимастық орнап әлемі,
Жаңадан бекініс салыстым.
Кеткені әнтек бар еді,
Кешірдім келмей қарысқым.
Түзесең, досым, үніңді,
Табарсың менен жалғасын.
Бар тілегім бүгінгі –
Жүректе дақ қалмасын.
Әлеуметтік желілерде бөлісіңіз:
Facebook | VK | WhatsApp | Telegram | Twitter