file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  13.06.2022
  203


Автор: Кәкімбек Салықов

Тойымсыз «капиталист қазақтар-ай»,

Тойымсыз «капиталист қазақтар-ай»,
Көрінген көзімізге қылығы анық.
Көрсетіп жүр ғой олар ғажап талай,
Бар байлықты қалтаға тығып алып.
Өтпей тұр күндер әлі басымыздан
Жүзге бөліп қазақты жіліктеген.
Ат жалында өскен ел заты қызба,
Шоқпар сүйер, үйірген құрықпенен.
Жоқшылыққа табуды сабыр, шыдам,
Көп көрдім өзгелерден жүріп төмен.
Есік қаққан шошимын қайыршыдан,
Көптен ол көрер көзге ілікпеген.
Премьерлер бір-бірлеп кетіп жатыр,
Кейбіреуі жымысқы бүлікпенен.
Тозған ауыл үндемей қалды ақыр,
Қолда аз-маз, жұмыссыз, мүлікпенен.
Діндарлар көп тілеген бізге ақ жол,
Қаптап кетті арабтар, түрікпенен.
Бүлік десек ойлантар ілік тап сол,
Өз бастары ешқашан бірікпеген.
Таң жарық, ерте тұрып арай көрем,
Адуын асау аттай үрікпеген.
Аптықпай келер күнге қарай берем,
Үзілмеген ақ сенім, үмітпенен.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу