Өлеңдер ✍️
Өлеңдер ✍️
13.06.2022
219
Сыйла, қазақ, ардақта ақыныңды...
Сыйла, қазақ, ардақта ақыныңды,
Одан артық таппайсың жақыныңды.
Сатылуды білмейді, түлкілікті,
Білсе-дағы жазасыз атылуды.
Ақынды сүй, сүйгендей кең даланы,
Ойла, ағайын, аңғал жан неңді алады?
Ақыны жоқ ауылдың қызығы аз,
Бір тілегі өмірде кем қалады.
Жайма-шуақ адамнан үзбе күдер,
Жақсылықты жар салып тергенін көр.
Жаман жазса ақынды ардақтамас,
Жақсы өлеңін Құдайдың бергені дер.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇