Өлеңдер ✍️
Өлеңдер ✍️
12.06.2022
122
Белінде жүріп биліктің...
Белінде жүріп биліктің,
Білмеймін, әйтеу, сый күттім.
Адал ашудың діңкесін құртып,
Арам ортада ширықтым.
Қара өлең бұған Қасым да,
Тағылық көрсе тосын ба?
Құран дем салған ақынға
Ауыздық керек расында.
Түскенін сездім құнымның,
Өзімнен-өзім жұлындым.
Ақындық биоөріске
Келген-ді менің жылынғым.
Шөлмек ғұмырдың сұрағы
Уақыттан ғана тұрады.
Мәңгілік деген мұңсыздың
Уақыт – жай бір құрамы.
Әлеуметтік желілерде бөлісіңіз:
Facebook | VK | WhatsApp | Telegram | Twitter