Өлеңдер ✍️

Жұбана алман бір күндікке,
Көп жұбанса, көп те бөлек.
Қонақ едім бұл тірлікке,
Кел демек бар, кет демек жоқ.
Жөн таба алмай ұйлығасың,
Жол айырық – екі арада.
Бүгін төрде сыйлы басың,
Қалар ертең босағада.
Бірі пәни – жол айырық,
Екіншісі – бақи деген.
Бүгін жырды қал айырып,
Бақида кім оқиды өлең?!
Көрге түсіп – көрген қалды,
Артымда жоқ ақтар куә.
Өмірінде сөнген жанды
Өлгеннен соң мақтау күнә.
Қиянатты ұмыта алман,
Жүрек қара, жүзім кірбең.
Бал тамбаған, уы тамған
Өлгем мен де – қызыл тілден.