Тақпақтар ✍️

Шiлде келдi,
Алапта
Пiсiп қалды шүйгiн шөп.
Атасы айтты Талапқа:
– Шөп шабуға жүргiн, – деп.
Бармасқа жоқ амалы,
Талап бiрге кетедi.
Қарындағы шалабы
Екеуiне жетедi.
Құлаштай сап бар күшiн,
Атасы шөп шабады.

Сыр-сыр етсе шалғысы
Жал-жал десте қалады.
Қарт шалғысын тартқанда,
Ол шөмеле жасады.
Арбаға шөп артқанда,
Ол үстiнен басады.
Шөлiркейдi күн ыстық,
Əдетi осы Талаптың.
Азын iстеп жұмыстың,
Iшер көбiн шалаптың.