Өлеңдер ✍️

Тағдыр қосса бізді егер...
Он сегіз мың ғалам бәлкім гүлденер.
Әлем шырқап әсем ән,
Ғарыш бізге айды берер.
Күн берер,
Тағдыр егер қосса бізді кім білген?
Жыр суырар ақындары,
Гүл ұсынар бағбандары бір-бірден.
Жүрек біткен кеуделерге сыймайды,
Баршасына бақыт қонып үлгерген.
Тағдыр бізді қосса –
Мүмкін жоқ қайғы,
Жан біткен шат,
Мұң атаулы тоқтайды.
Қан жүрмейді бойына,
Жан кірмейді қайғыға,
Жоқ қайғы.
Тағдыр қосса бізді баққа бастайды,
Зарығу да,
Сағыну да аяқ аттап баспайды.
Бола алмайды ешкімге де дос қайғы.
Мұңсыз махаббат та болмайды,
Сондықтан да,
Тағдыр бізді қоспайды.