Өлеңдер ✍️

Кең далам, кереметің сүйіндірген,
Кеудемнен сарқылмайды-ау күйім мүлдем.
Кестелі келбетің-ай кежімделген,
Кіршіксіз арудайсың киіндірген.
Сыңсыған ормандарың сыр шертеді,
Сырлы өлкем сымбатыңа сыйындым мен.

Ағайындар!
Кел менің аралаңдар бау- бағымды,
Сақтайын сары қымыз саумалымды.
Сахарам əн тербеген сахнамдай,
Көр менің көк тіреген тауларымды.
Ауылым, алуан гүлдер арасында-ай,
Көріңдер көркем таудың қаласын бай.
Тағдыры тамырласқан табиғатын,
Қорғаған қос көзінің қарасындай
Күміс көл, тынысты жер, ырысты ел,
Жайылған дастарқаны даласындай.