Өлеңдер ✍️

Бұрымдай аймалаған қыз арқасын,
Құлындай кездеріңе құмартасың.
Күндерге өзің жауап іздемесең,
Кімдерге шағынасың, кінə артасың.
Уақыттың сыры мəлім бізді алдайтын,
Жылдарды көргеміз жоқ күз болмайтын.
Аққудай айдын- көлде жүзгеніңмен,
Өмір бұл су бетінде із қалмайтын.
Ақ құсы арманымның қалықтай бер,
Сұңқарын сауысқаннан парықтайды ел.
Тұлпарын тағдырымның тақымға алсам,
Шаттығым шабыт болып шарықтай кел.
Үн қосқан үмітіңді жалғау үшін,
Домбырам мақтанышым, алданышым.
Сезген соң сері өмірдің жалғаны шын,
Əн болып қанат қақты арман- құсым!
2012. 11. 24