Өлеңдер ✍️

Мен сағындым...
Ал Сен...
сағындың ба?!
Сұрағыммен көңілді күрсінтемін.
...Жоғалтып ап өзіңді қағындым да,
Қолымды басқасына бір сілтедім...
Мен іздедім өзіңді...
Іздедің бе?!
Ойламаған шығарсың, әй, сірә сен...
...Ілмей кеттің тағы да көзге мүлде,
Қиялыңа мен қалай,
қайтып енсем...
(Саған деген сезімді айтып өлсем...)
Сені сүйіп өтсем де жетер еді,
Өлең бірақ...
өрлікке жетеледі.
...Шын сүйгендер шынында қосылмай ма?
Шын сүйгендер...
Шындықты көтереді...