Өлеңдер ✍️

Кеш құлатып....
Кешкі уақыт үзіліп өлді кейін.
«Лайықсызсың!» деп тағы шешті уақыт,
Жарайды...
Көндігейін.
Сөндірейін жанымның шырақтарын,
Жылатқанын,
сүйгенін,
Жұбатқанын:
Сызып қана тастайын бір-ақ бәрін!
Үміт,
Көктем,
пәк Сенім қараң қалса,
Өз ішімде сезімге жаназа айтып,
Өмір сүре берем шаш ағарғанша...
Тағдырымда туламай шаттық әлі,
Көңілдерге қайтадан қақ тұнады.
«Біреу келер» деп Жүрек
тағы алданса,
Амал қанша...
Көнбеске амал қанша?!...