file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  21.05.2022
  162


Автор: Динара Мәлік

Кіріпігіңнен күн күледі, ақылдым...

Кіріпігіңнен күн күледі, ақылдым,
Ерініңе емірентіп барасың.
Саусағыңның сиқырына сатылдым,
Жүрегімнің жазып берші жарасын!
Алақаныңа алданады арманым,
Төзімім кеп құшағыңа құлайды.
Тынысыңнан тылсымыңды жалғадым,
Жүрегімде бір нәресте жылайды.
Жылағанын есітіп тұрды жүрегің,
Көздеріңді жұмып алып тыңдадың.
Мұңдарымды мазақ етіп күлемін,
Өксігіңде ұғасың ба, сыр барын?!
Әр әйелдің жүрегіне түнеген,
Нәресте бар тағдырына таразы.
Сол сәбидің жыламауын тілегем,
Бірақ, қазір әміріме наразы!
Қарашығымнан қиялым боп қиялдың,
Теріс қарап, от құшақты аңсадың.
Нәрестемнің пәктігіне сиындым,
Сүйіп тұрып, сүйілмеуден шаршадым.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу