Өлеңдер ✍️

Аспан мынау пенделердің дәптері,
Әлдебіреу парақтайды Көктегі!
Көздің жасын, құйып-құйып селдетті,
Жүректерді нұр иiсiмен гүлдеттi!
Табиғатта сөйлемейтін сұлулық,
Тіршілікті жібереді сұлу-ғып!
Аппақ бұлттан құлап жатыр ақ хаттар,
Жазуы жоқ сыбырларды жаттап қал!
Бір Аллаға жарасады бұл-кеңдiк,
Күн көзінен төгіледі көркемдік!
Жапырақтар мың адамның жүрегi,
Сырғаларын сылдырлатып күледi.
Біледі олар қурайтынын түбiнде,
Өмір жайлы, Өлең жатыр үнінде...