Өлеңдер ✍️

Сағынуға неге сонша құштармын,
Құшағымнан саған қарай ұшқан-мұң.
Күрсінемін күліп тұрып неліктен,
Жалғаныңа жылау үшін келіп пе ем?
Мұңаямын сәл нәрсеге күрмеліп,
Әр таң сайын, сен тұрсаң ғой гүл беріп!
Жанарымда жәутеңдеген сұрақтар,
Жолдарымда жасырынған сынақ бар!
Әйел едім, әлемім бар әдемі,
Көзі барлар кызғанбай-ақ көреді!
Көйлегімнің ес ұрламай етегі,
Аңғал болып, еркелегім келеді.
Еркелете қояр ме екен, ай, кайдам,
Тағдыр тағы салып өтер маңдайдан!
Жер айтады жанбай жатып сөнбе деп,
Бара жатыр дала – ғұмыр дөңгелеп...