Өлеңдер ✍️

Бір тәңірім,
Содан соң сіздік – демеу...
Мініп алған жоғалды жүз күп, желеу.
Толастаған тым ерте тәтті күнді
Байғұс жүрек екеуміз, түздік дереу.
Құдай нұсқап, сіз айтқан әңгімеден
Жанды еріткен жылулық алды белең.
Көңіліме кіріккен кесапат боп
Күңгірт ойлар, тәуба артта қалды үдеген.
Сөнген үміт санамда сіресіп ап,
Түскенде алға қайғының «кресі» нақ...
Сіз... әйтеуір шықтыңыз жүректі алып
Иман құйып, ұстатып сүре-шырақ...
Сұрқай шерім алдымды бөгеп, тұсап,
Қойған сәтте тосыннан бөлек күш ап.
Сіз...сәтінде тәңірдің бұйрығымен
Жүдеу жанға жайдыңыз көмек-құшақ...
Бірінші Алла, сосын сіз...