Өлеңдер ✍️

Будақ бұлт төбеңнен телмірсе,
Еркелеп қойныңа жел кірсе.
Ай-аққу бұртиып біраз күн
Кейіпке оралса теңбілше.
Мені ойла...
Аппақ таң ажарлы «сәлем» деп,
Құстар жыр оқыса мәнерлеп.
Көңілдің кірбіңін шайдырып
Түсірсе жүрекке ән өрнек.
Мені ойла...
Арудай ақ тамшы мөлдіреп,
Құштармен сүйгенде жерді кеп.
Тұлпардың дүрсілін айнытпай
Салғанда себепсіз төл жүрек
Мені ойла...
Тағы да қуантса сезім бұл,
Тағы да жұбатса төзім дүр.
Маңырақ ойлардан құтыл да
Мені ойла...
Бірақ та өзің біл!!!