Өлеңдер ✍️

Сəуле мiнген самолет,
Жүрегiмдi ала кет.
Жұлдыздарын құлатты
Алқара аспан қаракөк.
Сəуле сiңген түнгi аспан,
Сенiмен кiм мұңдасқан?
Көре алмадым көзiңдi
Көкжиекпен ымдасқан.
Қайран қара аспан-ай,
Жас кеудемдi баспағай.
Құдiретке сиыншы,
Махаббатқа мас бала-ай!
Қос қанатты темiр-ай…
Құстай ұшқан өмiр-ай…
Күле ме өзi, қайтедi
Күндi жеген жемiр Ай…
Махаббатқа мас емес,
Баяғыдай жас емес.
Аңтарылар аспанға
Бозғылт өңi пəс елес…